Мат куйдылар

«Гран-При Закамья» шахмат турнирларының 19нчы сериясенең VI этабы Минзәләдә узды һәм анда Татарстан, Башкортстан һәм Мордовиядән 137 шахматчы катнашты.

2нче санлы спорт мәктәбендә тәрбияләнүчеләр шахмат буенча ике тапкыр мактау пьедесталына күтәрелде: кече командалар — Алена Добровольская, Ярослав Фазлыәхмәтов, Бәхтияр Фатыйхов, Әмир Шәрәфиев үз төркемендәге 14 команда арасында иң яхшысы булды, ә өлкән командалар — Екатерина Селютина, Данил Денисов, Рамазан Шәмсетдинов, Диана Азимбаева 12 команда арасында көмеш медальгә лаек булды.

Балаларның шәхси нәтиҗәләре дә яхшы: беренче урында — Екатерина Селютина һәм Алена Добровольская, икенче урында — Арина Добровольская һәм Диана Азимбаева, өченче урында — Рита Шәймәрданова, Рамазан Шәмсетдинов һәм Самир Шәмсетдинов.

Спортчыларны ярышларга тренер-укытучы Роза Дәүләтшина әзерләде.