Октябрьский туристларында — бронза!

Беренче көнне үк спортчыларны мавыктыргыч чаралар көтте — туган якны өйрәнү викторинасында иң яхшы белемнәрне 3нче гимназия укучылары Александра Мизенкова һәм Ярослав Гизатов күрсәтте. Үзләренең туган якны өйрәнү турында белемнәре белән алар командага беренче урын алып килде.
20 февральдә иртән башланган ярышлар безнең спортчылар өчен яңа сынаулар тудырды. Бу көнне дистанциянең беренче төре — чаңгы бәйләнеше (спринт) әзерләнмәгән чаңгы трассасы шартларында — агачлар арасында бормалы тар сук­макларда узды. Мондый вәзгыять, табигый ки, тизлекне арттыру мөмкинлеге бирмәде.
Спортчылар өчен борчылулар һәм җанатулар нәтиҗәсез калмады: ике команда да өченче призлы урынны яулады. Бернигә карамастан, безнең шәһәр командалары арасында София Варламова һәм Алсу Нәфыйкова иң яхшы нәтиҗәләрне күрсәтте.
Алда соңгы ярышлар: дистанция — чаңгы юлы — төркем. Җиңү теләге көчле! Ниһаять, безнең беренче команда финишка килеп җитте. Икенче команда — стартта. Дулкынлану хисе ташып түгелде. Күптән көтелгән мизгел — балалар финишка якынлаш­ты... егылдылар, секундлар, күтәрелделәр һәм барысы да финиш сызыгын үтеп өлгерделәр. Нәтиҗәдә, ике команда да янәдән өченче призлы урынга чыкты.
Ярышларда барлыгы 12 команда катнашуын исәпкә алсак, бу бик яхшы күрсәткеч. Аның нигезендә — бердәмлек, үзара ярдәм һәм даими шөгыльләр!

Любовь МИЧКОВА,
балалар һәм яшүсмерләр туризмы һәм экскурсияләр станциясе педагогы