Туган як
+26 °С
Болытлы
Барлык яңалыклар
Спорт
21 октябрь 2022, 16:53

Радий Хәбиров DeafSkills-2022 илкүләм чемпионатында катнашучыларга ишарәләр телендә уңышлар теләде

Ул «Торатау» конгресс-холлында ишетү сәләте начар булган 35 яшькә кадәрге яшьләр өчен һөнәри осталык буенча DeafSkills-2022 II Милли чемпионатын ачу тантанасында катнашты.

Радий Хәбиров DeafSkills-2022 илкүләм чемпионатында катнашучыларга ишарәләр телендә уңышлар теләде
Радий Хәбиров DeafSkills-2022 илкүләм чемпионатында катнашучыларга ишарәләр телендә уңышлар теләде

— Без сезгә бик шат, кадерле дуслар! Ярышларда катнашучыларга карап, без оптимизм белән сугарылабыз. Сез һөнәри камиллеккә омтылучы көчле һәм батыр кешеләр, — дип мөрәҗәгать итте кунакларга Радий Хәбиров.

Чыгышының ахырында ул ишарә телендә җыелучыларга уңышлар теләде.

БР башлыгының матбугат хезмәтендә хәбәр итүләренчә, 35 яшькә кадәрге яшьләр арасында уза торган һөнәри осталык буенча II Милли чемпионатка Русиянең 45 төбәгеннән, шулай ук Үзбәкстан һәм Казахстаннан 350дән артык кеше килгән. 34 компетенция буенча ярышачак яшьләргә 150 ишарә тәрҗемәчесе һәм 130 волонтер ярдәм итәчәк. Чемпионат 20 октябрьдән 22 октябрьгә кадәр дәвам итәчәк. Бөтенрусия саңгыраулар җәмгыяте президенты Станислав Иванов билгеләп үткәнчә, бу чын хезмәт бәйрәме булачак. Аны оештыру белән ел дәвамында Башкортстан Хөкүмәте, министрлыклар һәм ведомстволар шөгыльләнгән.

 

Фото: пресс-служба главы РБ.

 

Автор:Аида Ханнанова
Читайте нас: