Ярдәм артык булмый

* РФ Президенты Владимир Путин Указы нигезендә, мобилизацияләнгән гражданнарга 1 ноябрьдән ай саен кимендә 195 000 сум акча түләнәчәк. Моннан тыш, мобилизацияләнгән һәм аларның гаиләләренә торак-коммуналь уңайлыклар һәм капремонт өчен түләнмәгән бурычлар буенча пенялар каралмаячак. Ярдәм чаралары контрактны туктатканчы гамәлдә булачак.

* 2022 елның 23 ноябреннән, заемчы мобилизация фактын раслаучы документларны тапшырмаган очракта, кредит оешмаларының Федераль салым хезмәтенә мөрәҗәгать итү мөмкинлеге барлыкка киләчәк. Тиешле сорауны алганнан соң биш көн эчендә салым хезмәте кирәкле мәгълүматны раслаячак яки кире кагачак. Бу кредит каникулларын рәсмиләштерү өчен кирәк.

* Моннан тыш, Башкортстан башлыгы Радий Хәбиров республиканың мобилизацияләнгән халкына һәм аларның гаиләләренә өстәмә ярдәм чаралары турында күрсәтмәгә кул куйды. Башинформ хәбәр итүенчә, аларның күпчелек өлеше 2022 елның 2 ноябрендә үз көченә керде.

Башкортстан балаларына каралган ярдәм:

* яшь ярымга җиткән балага мәктәпкәчә тәрбия учреждениесендә чираттан тыш урын;

* балалар бакчасы тулысынча бушлай;

* яшәү урыны буенча уңайлы мәктәп сайлау һәм барлык классларда түләүсез кайнар ризык;

* бушлай мәктәпкә әзерлек һәм түгәрәкләр;

* ел әйләнәсенә шәһәр яны лагерьларында түләүсез ял итү һәм сәламәтләндерү;

* көллияттә бушлай уку. Әгәр студент уку елы өчен түләгән булса, акча тулысынча кире кайтарылачак;

* көллият һәм югары уку йортлары студентларына тулай торакларда гарантияләнгән урын.

Гаиләләр нәрсәгә өмет итә ала?

* хәрби операциядә катнашучының керемнәре, җан башына уртача керем исәпләгәндә, исәпкә алынмаячак. Шулай итеп гаилә, мохтаҗ буларак, республика ярдәменең өстәмә чараларын ала алачак. Шул исәптән, өченче балага түләүләр, ә бу аена 11 747 сум. Әгәр кемгәдер бу пособиене түләүдән баш тарткан булсалар, 1 ноябрьдән соң документларны яңадан тапшырып, бер елга акча түләүне билгеләтеп булачак;

* 2022 елда бер машина өчен транспорт салымы өчен 100 процент ташлама;

* каты көнкүреш калдыклары ташлаган өчен түләргә кирәк түгел. Моның өчен клиент офисына мөрәҗәгать итәргә яки шәхси кабинет аша гариза бирү сорала;

* йортларны газлаштыру өчен 100 мең сумнан да ким булмаган сертификатлар;

* шифаханә-курортта дәвалану. Моның өчен анык билгеләр булырга тиеш. Бу неврологик, сулыш системасы авырулары, яралану нәтиҗәләре булырга мөмкин. Шулай ук психологик һәм спорт реабилитациясе программасы эшли. Катнашучыларга сертификатлар биреләчәк һәм алар үзләренә шифаханә сайлап алачак;

* махсус хәрби операциядә катнашучыларның өлкән яшьтәге һәм инвалид булган гаилә әгъзалары, гаилә составына бәйсез рәвештә һәм керем дәрәҗәсен исәпкә алмыйча, өйдә, ярымстационар формада яки махсус оешмада социаль хезмәткәр уңайлыкларыннан файдана алачак.

Мобилизацияләнүчеләр өчен:

* бушлай нотариус уңайлыклары;

* мобилизация вакытында эш урынын саклау;

* суд приставлары тарафыннан бурычларны түләүне вакытлыча туктатып тору;

* туганнары һәм якыннары милекне тизләтелгән тәртиптә теркәп куя ала;

* загска гариза бирергә һәм бер көндә никахны теркәргә.

Сораулар туса, кая мәрәҗәгать итәргә?

Түбәндәге телефоннар буенча вәзгыять үзәгенә шалтыратыгыз:

* 122, өстәмә номер - 1;

* +7(347) 218-19-19 (көн саен 8.00 сәгатьтән 20.00 сәгатькәчә);

* Башкортстан Республикасы Идарә итү үзәгенең телеграммадагы чат-ботка языгыз.

Фото Башинформ