Иркутскига ярдәм кирәк

Башкортстан халкыннан Иркутскида су басудан каза күрүчеләргә 200дән артык посылка юлланган. Русиядә бу өлкәгә 13 мең посылка җибәрелгән.

Почта бүлекчәләрендә посылкалар бушлай кабул ителә. Анда шәхси гигиена, юыну һәм дезинфекция үткәрү чаралары, урын-җир кирәк-яраклары, тастымаллар, мендәр-юрганнар, тиз бозылмый торган азык-төлек салырга була.

Куллануда булган товар алынмый, посылка җибәрүче аны ышанычлы итеп төрергә тиеш.

Адресы: 664005, Иркутская область, г. Иркутск, 2ая Железнодорожная улица, 9А. «Иркутское отделение Российского Красного Креста. «Гуманитарная помощь» дип язарга кирәк.