Туган як
+17 °С
Ачык
Барлык яңалыклар
Төрлесеннән
30 июль 2019, 15:09

Бердәм транспорт картасы

1 июльдән Башкортстанда бердәм транспорт картасы барлыкка килде. Үзгәреш башта Уфа, Стәрлетамак, Салават шәһәрләрендә, соңрак башка районнарда һәм шәһәрләрдә кертелде.

Транспорт картасы — ул электрон билет-кошелек. Мәсәлән, анда 100 сум акча салып куясыз һәм транспортта водительгә акча түләгәнче, картаны махсус җайланмага тидереп кенә аласыз.

Башта карта — автобусларда гына, ә көздән барлык төр транспортта да кулланылачак. Шәһәрара рейсларга гына кагылмаячак.

Карта куллану арзанракка төшә. Шул ук вакытта теләүчеләргә элеккечә вак акча түләү мөмкинлеге дә кала. Терминал аша банк карталары белән дә түләп була.

Транспорт картасын «Русия почтасы»нда, «Уфапечать» киоскларында, челтәр системалы кибетләрдә, Саклык банкында һәм «Уралсиб»та, Бердәм транспорт карталарын хезмәтләндерү пунктларында алып була. Карта бәясе — 50 сум.

Республика буенча карталарны тулыландыру пунктлары булачак, шулай ук картага акчаны Сбербанк-онлайн һәм «Уралсиб» интернет-банкы аша салып була.

1 сентябрьдән смартфонга транспорт картасын яздырып була торган мобиль җайланма булдырылачак. Карта ике төрле булачак: үзегезнең исемгә яздырылган һәм беркемгә дә яздырылмаган. Беренчесен югалтканда, аны эшләүдән туктатып һәм яңадан тергезеп була.

Шәхси автобуслар транспорт картасы белән түләп булу-булмау хакында мәгълүматны автобус салонына, тәрәзәгә урнаштырырга тиеш.

Яңа карталарда закон буенча каралган ташламалар саклана.
Читайте нас: