Быел Октябрьский гимназияләрен һәм мәктәпләрен 385 унберенче сыйныф укучысы һәм 1346 тугызынчы сыйныф укучысы тәмамлады

Чыгарылыш укучылары бердәм дәүләт имтиханнарында да искиткеч нәтиҗәләр күрсәтте: егетләр һәм кызлар 11 тапкыр 100 баллга БДИ тапшырдылар — физика, профильле математика һәм химия буенча имтиханнарда менә шундый югары нәтиҗә күрсәттеләр. Быел шәһәрдә беренче тапкыр профильле математика һәм физика буенча БДИның югары баллына тапшырган ике мультибалльник бар.

Октябрьский үзенең сәләтле балалары белән горурлана. Укучылар төрле дәрәҗәдәге интеллектуаль конкурсларда, шул исәптән аларның иң абруйлысында, фәннәр буенча Бөтенрусия укучылар олимпиадасында яхшы нәтиҗәләргә ирештеләр. Нәтиҗәдә, шәһәрдә хокук буенча әлеге олимпиада финалында җиңүче һәм француз теле, экология һәм җәмгыять белеме буенча призерлар яши.

Фәннәр буенча Бөтенрусия укучылар олимпиадасының йомгаклау этабында катнашучылар Уфада БР башлыгы Радий Хәбиров белән очраштылар.

Беренче заттан

Радий Хәбиров:

— Быел безне чыгарылыш сыйныф укучылары сөендерде. БДИ нәтиҗәләре буенча Башкортстанда йөз балл җыючылар рекордлы сан тәшкил итте. Максималь бәяне 147 имтихан эше алган – бер ел элек булганнан ике тапкыр күбрәк (ул вакытта 82 иде). 11 чыгарылыш укучысы берьюлы ике фән буенча 100 балл җыйды, узган ел андыйлар икәү генә иде.

Бу моңарчы күрелмәгән нәтиҗәләр. Балаларыбызны чын күңелдән котлыйм! Алга таба һөнәр сайлауда уңышлар телим, һәм аларга һәрвакыт уңыш юлдаш булсын.

Шәхсән минем өчен мөһим нәрсә - соңгы елларда олимпиада җиңүчеләре, йөз балл җыючылар санының артуы безнең өчен мәктәп белемен модернизацияләү буенча күрелә торган барлык гамәлләребезнең дөрес юнәлештә булуын билгеләүче күрсәткеч.