Билбирмәс көрәшчеләр

Приютово бистәсе СССРның спорт мастеры Александр Куряев истәлегенә грек‑рим көрәше буенча ачык турнирда катнашучыларны кабул итте. Ярышларда Уфа, Октябрьский, Нефтекама, Лениногорск, Урыссу һәм Бәләбәй спортчылары катнашты.

Октябрьскийның 1нче олимпия резервы спорт мәктәбенең 12 укучысы мактау пьедесталына күтәрелде. Үз яшь төркемнәрендә Радел Сабитов, Герман Бромберг һәм Рамазан Хаҗиәхмәтов җиңү яуладылар, калган спортчылар икенче һәм өченче урыннарда.

Ярышларга көрәшчеләрне тренерлар Алексей Зиманов, Эдуард Мөхәммәтҗанов, Фаиз Фәррахов, Андрей Лихачев һәм Радмир Федотов әзерләде.