+10 °С
Болытлы
Бөек Ватан сугышында Җиңүнең 79 еллыгын бәйрәм итү алдыннан Россия Эчке эшләр министрлыгының Октябрьский шәһәре буенча ЮХХДИ хезмәткәрләре һәм 8нче мәктәп укучылары - шәһәрнең «Хәрби җыр һәм саф» смотры җиңүчеләре «Георгий тасмасы» Бөтенрусия акциясенә кушылдылар.
Акция барышында автомобильчеләрне туктатып, аларны 9 Май белән котладылар. Яшь ярдәмчеләребез белән бергә шоферларга халкыбызның батырлык символы - Георгий тасмаларын тапшырдык, яхшы кәеф һәм имин юллар теләдек, берьюлы хәрәкәт вакытында бик игътибарлы һәм сак булырга кирәклеген дә искәрттек.
Алинә НАШИРВАНОВА,
Октябрьскийның ЮХХДИ бүлекчәсе инспекторы