«Тальянка» — халык күңелендә

Әлеге мәдәни чара агымдагы атна ахырында республика башкаласында З. Исмәгыйлев исемендәге Уфа дәүләт сәнгать институтында узды. Рус халкының киң танылган опера җырчысы Федор Шаляпин тууга 150 ел тулуга багышлап, вокал хор коллективлары арасында оештырылган фестиваль-бәйгедә Октябрьский шәһәре мәдәният йортында Айгөл Миңнуллина җитәкчелегендә эшли торган «Тальянка» җыр ансамбле беренче дәрәҗә лауреат дипломы белән бүләкләнде.