«Владимир Спиваков чакыра...»

Башкортстанның атаклы улы, СССРның халык артисты, дөньяның иң танылган скрипкачыларының һәм дирижерларының берсе Владимир Спиваков җитәкчелегендә Русиянең дәүләт филармониясе оркестры республика шәһәрләрендә өч концерт бирәчәк: икесе Уфада, берсе Салават шәһәрендә.

Фестиваль Башкортстан Республикасы Башлыгы Радий Хабиров ярдәме белән һәм Русия Федерациясе Мәдәният министрлыгының «Бөтенрусия филармония сезоннары» программасы кысаларында узачак. Фестивальне оештыручы — Башкортстан Республикасының Милли симфоник оркестры.

Классик музыка сөючеләргә оркестр башкаруында иң матур программа тәкъдим ителәчәк, ул хаклы рәвештә дөньяның иң яхшы академик коллективларының берсе санала. 21-23нче февральләрдә узачак концертлар ил Президенты гамәлгә куйган «Мәдәният» гомумдәүләт проекты кысаларында узачак.