Балаларны саклау көне

Т. ХӘБИРОВ.

Бәхете куандырсын
(Эмилия оныгыма)
«Аппаккаем, йомшаккаем,
Бәбкәем», — ди әнкәсе,
«Матуркаем, кызым минем,
Алтыным», — ди әткәсе.
Кайдан алган икән сабый
Сихри, җылы матурлык?
Гөлләр кебек күз тимәсен,
Карап кына торырлык!
Эшчән булсын, юмарт булсын,
Акыллы, зирәк булсын,
Шаян булсын, таза булсын,
Бәхете куандырсын.
Алан күрке, бер ямь өстәп,
Калкып чыккан ул чәчәк,
Телим серле шул чәчәккә
Шатлык тулы киләчәк!

А. МИҢЛЕГАЛИНА.