Сездән үрнәк алып

Сездән үрнәк алып
Шәһәр халкы төрле бистәләрдән
Ленин мәйданына агыла.
Җиңү көне бүген, Бөек бәйрәм,
Һәрбер гаиләгә дә кагыла.
Иң зур бәйрәм бүген илебездә,
Шәһәрләрдә, авыл өендә.
Кырык бишнең тугызынчы мае
Исәннәрнең һәрчак уенда.
Бөтен Җир шарында бәйрәм бүген,
Безнең шәһәрдә дә тантана.
Болытлардан үксеп яңгыр ява,
Ә күзләрдән шатлык яше тама.
Сүнмәс утка, солдат һәйкәленә
Чәчкә сала бабай, әбиләр.
Чәчкә тоткан кулын алга суза
Ана кочагында сабыйлар.
Мин дә салдым уттай ал чәчәкләр,
Башып иеп тордым уйланып.
Ә билгесез солдат миңа карап,
Киткән сыман булды уянып...
Яугир ветераннар, тыловиклар,
Вафатлар һәм бүген исәннәр!
Рәхмәтлебез, сездән үрнәк алып,
Яшь батырлар илдә үсәрләр.
... Мин инандым моңа тагын бер кат,
Бердәм булсак, барсын җиңәрбез!