+12 °С
Яңгыр
Барлык яңалыклар
Әдәби бит
13 февраль 2018, 16:45
Син минем күңел күзем...
Саф йөрәктән чыккан һәрбер сүзең Минем сулышыма җан өрә. Изге хыялыма юллар яра, Янәшәмнән атлап ул бара.
Син минем күңел күзем...
Саф йөрәктән чыккан һәрбер сүзең
Минем сулышыма җан өрә.
Изге хыялыма юллар яра,
Янәшәмнән атлап ул бара.
Яннарыңда янәш бер утырсам,
Йөрәгемдә минем яз була.
Офыкларым кинәт киңәяләр,
Күңелемә татлы наз тула.
Синең белән ихлас бер сөйләшү
Минем өчен үзе бер гомер.
Мин үзем дә алла баласы бит,
Мин түгел бит тутык бер тимер.
Синең янәшәңдә бер утырсам,
Пар канатлар үсә җилкәмдә.
Мин әйләнәм диңгезләрдә йөзгән,
Дулкыннарны җиңгән җилкәнгә.
Уйлар дулкынында мин чайкалам,
Йөрәгемнән саркып кан тама.
Ә кояшым баешына атлый,
Язмышымнан көлеп ямь таба.
Т. ИДРИСОВ.
Бар мәхәббәт дөньяда
Күрсәтмә син күз яшеңне,
Йөрәккәең дөрләп янса да.
Көнләшмә син башкадан
Япа-ялгыз калсаң да.
Гомер үтә, юллар күп була,
Үткәнендә калсын эзләрең.
Сагыныплар искә алсын сине
Шул юллардан үткән дусларың.
Ялгышма син, дустым, ялгышма,
Юлларыңда берүк адашма.
Еллар ашыга, яшьлек тиз уза,
Гомер дә үтә кире кайтмаска.
Яшик әле бергә гомергә,
Терәк булып бер-беребезгә.
Сулар акса да, еллар артса да
Атсын чәчкә безнең күңелдә.
Давыл урамда, тыныч күңелдә,
Чөнки син минем белән бергә.
Юк, димә, борчылма, тик аңла,
Бар бит мәхәббәт, бар ул дөньяда.
З. СӘЛИМШИН.
Яратулар була төрлечә
Бу дөньяга кеше нигә туа,
Кемнәр белә нигә туганын?
Ә мин менә яратылыр өчен,
Һәм яратыр өчен туганмын.
Иң беренче көннән, балачактан,
Өзелеп сөйдем газиз әнкәмне.
Ә аннан соң булды укытучым,
Белем биргән газиз мәктәбем.
Үсеп җиткәч, яшьлек елларында,
Яратулар булды башкача.
Башларымны җуеп, чын йөрәктән,
Гашыйк булдым сөйгән ярыма.
Бу дөньяда яраттыра торган
Беләсезме тагын кем барын?
Бернигә дә алыштырмый торган,
Газизләрем — балакайларым.
Ә оныклар, оныкларым минем,
Шулхәтле дә тәмле, сөйкемле.
Нәниләрем, йөрәк парәләрем,
Балаларымнан да кадерле.
Яратам мин, дуслар, туганнарны,
Яратам мин язлар-кышларны.
Мин гашыйкмын, өзелеп яратамын,
Өзелеп сөям шушы дөньяны.
В. НӘФЫЙКОВА.
Яшьлегем бураннары
Авылымның кичке урамы,
Суыклары, кышкы бураны.
Әллә өнем, әллә саташам —
Яшьлегемә барып тоташа.
Җил очырта, карлар әйләнә,
Кулларыбыз кулга бәйләнә,
Кар эскерте ала кочаклап,
Сөю уты дөрли шул чакта.
Гүя дөньяда без тик икәү,
Тирә-якта юк ла һич бүтән,
Әйләнәбез җиһан тирәләп
Кар бөртеге белән бергәләп.
Тиле яшьлек хисе исертә,
Сине уйлыйм, бәгърем, кич-иртә,
Шушы хисләр калды моң булып,
Яши йөрәгемдә ургылып.
Л. КАШАПОВА-ИСКУЖИНА,
Туймазы районы, Серафим авылы.
Читайте нас:
© 2024
Регистрационный номер ПИ № ТУ 02-01360 от 23 июля 2015 г.
Телефон
8(34767) 6-03-28
Электрон почта
Адресы
452614, г. Октябрьский, ул. Чапаева, 18; 2 этаж, 7, 8, 9 каб
Реклама хезмәте
8(34767) 6-12-51
Редакция
8(34767) 6-03-00, 8(34767) 6-03-28, 8(34767) 6-12-51
Кабул итү бүлмәсе
8(34767) 6-03-28
Хезмәттәшлек
8(34767) 6-03-00, 8(34767) 6-03-28, 8(34767) 6-12-51
Кадрлар бүлеге
8(34767) 6-12-51, 8(34767) 6-75-35