Мавыгуын сувенирга әйләндергән

Светлана брендлы продукция җитештерү буенча зур булмаган бизнес булдырган. Шәһәрле элеккеге хезмәттәше Анна Еремеева белән бергә үз акчаларына тукыма өчен термопресс сатып алган.- Аның ярдәмендә тукымага рәсем эзе ясадык. Шулай да бизнесны киңәйтергә кирәк дип уйладым. Балачактан ук чигү белән мавыга идем, машина белән чигү өчен аппарат сатып алырга булдым, - дип сөйли үзмәшгуль ханым.

Киңәйтүгә юл хакимиятнең эшмәкәрлекне үстерү бүлегендә булудан башланган. Бүлек җитәкчесе Руслан Гыйззәтуллин Светлана Вахитовага «Минем бизнес» үзәгенә мөрәҗәгать итәргә киңәш иткән.
— Үзәктә үзмәшгульләр өчен кечкенә процент белән Башкорт микрокредит компаниясенә заем рәсмиләштерергә тәкъдим иттеләр. 500 мең сум күләмендә заем рәсмиләштердем, - диде Светлана.
Әлеге акчага үзмәшгуль ханым профессиональ чигү машинасы, компьютер һәм башлангыч чыгым материаллары сатып алган. Мондый машина ярдәмендә Светлана Вахитова махсус операция сугышчылары өчен шевроннар, шәһәр гербы һәм Башкортстан флагы төшерелгән термоаппликация ясаган инде.
Зур булмаган бизнесны үстерүдә шәһәрлегә гаиләсе ярдәм итә. Светланага алган белемнәре дә ярап куйган - ул күн әйберләр җитештерү буенча технолог һәм икътисадчы.
Яңа җиһазлар куелган бинада шәһәр шерифы Сергей Литов булды, ул үзмәшгуль ханымга берничә киңәш бирде. Аларның берсе - үз товарларыңны шәһәр һәм республика күргәзмәләрендә ешрак тәкъдим итү. Ул шулай ук Светлана Вахитовага эшмәкәрләргә ярдәм чаралары турында да сөйләгән.

Исегезгә төшерәбез, 2019 елда БР Дәүләт Җыелышына юллама белән чыгыш ясаганда, Башкортстан Башлыгы Радий Хәбиров, республикада шәхси инициатива актив эшләсен һәм намуслы эшмәкәрләр өчен яхшырак шартлар тудырылсын өчен, барысын да эшләвен белдерде.