Башкортстан ESG-моделен гамәлгә кертә

Башкортстан төбәк башлыгы Радий Хәбиров карары буенча, преференциаль режимлы территорияләрдә тотрыклы үсеш максатларына ирешүне характерлаучы күрсәткечләр эшләү өчен эшче төркем оештырылган Русия Федерациясенең беренче субъекты булды.
Эшче төркемгә УГАТУ, стандартлаштыру, метрология һәм сынауларның төбәк үзәге, БР Үсеш корпорациясе, Русиянең кластерлар, технопарклар һәм ОЭЗ ассоциацияләре, Белем икътисады институты, шулай ук Г.В. Плеханов исемендәге Русия икътисад университеты вәкилләре керде. Төркем күрсәткечләрне формалаштыру буенча эксперт-аналитик эш алып барды һәм инфраструктура мәйданчыклары өчен финанс булмаган хисапларны ачу стандартын эшләде. Стандарт күрсәткечләре РФ Федераль Дәүләт Думасының Эксперт советы утырышларында каралды һәм хупланды.

Инфраструктура мәйданчыгы моделен формалаштыруның төп принциплары — идарәче компаниянең резидент сәясәте, тотрыклы үсеш стандартларын кертү (ESG) һәм финанс булмаган хисапларны ачу, ESG принципларын инфраструктура мәйданчыкларыннан читтә тарату.