Республикада шикәр запасы җитәрлек!

Башкортстан авыл хуҗалыгы министрының беренче урынбасары Рамил Нуриәхмәтов төбәк Хөкүмәтендәге оператив киңәшмәдә хәбәр иткәнчә, республика шикәр җитмәүне тоймаячак.

Былтыр Башкортстанда 150 мең тонна шикәр җитештерелгән. Шул ук вакытта медицина күрсәткечләре буенча норма - 32 мең тонна. Башка сүзләр белән әйткәндә, шикәр ихтыяҗга караганда биш тапкыр күбрәк җитештерелгән!

Предприятиеләр көн саен 550 тоннага якын шикәр төйиләр - бер ел элек булганнан ике тапкырга күбрәк. Республика складларында 36 мең тонна шикәр саклана.

Фото: pixabay.com

#ОбъясняемБашкортостан