Барлык яңалыклар
Икътисад
15 март , 13:46

«ВКонтакте» эшкуарлар өчен яңа мөмкинлекләр ача

«ВКонтакте» урта һәм кече бизнеска ярдәм итү буенча иҗтимагый совет төзи. Совет составына эшкуарлар һәм «ОПОРА РОССИИ» иҗтимагый оешмасы вәкилләре керде. Советның төп максаты — Кече һәм урта эшкуарлык вәкилләренә яңа шартларда җайлашырга һәм аларның бизнесны үстерүдә мәнфәгатьләрен максималь исәпкә алырга ярдәм итү.

«ВКонтакте» эшкуарлар өчен яңа мөмкинлекләр ача
«ВКонтакте» эшкуарлар өчен яңа мөмкинлекләр ача

«Без аңлыйбыз, күп кенә урта һәм кече бизнес вәкилләре бүген онлайн эшли. Без бергә эшкуарларга һәм кулланучыларга уңайлы булган үз сервисларыбызны үстерергә һәм эшләп бетерергә әзер. Моның өчен эшкуарлык җәмәгатьчелеге идеяләрен һәм тәкъдимнәрен исәпкә алачак совет төзибез. Инде хәзер үк «Вконтакте»да 2 миллионнан артык эшкуар үз товарларын һәм хезмәтләрен тәкъдим итә, соңгы ял көннәрендә генә дә 100 меңнән артык бизнес-берләшмә булдырылды. Бизнес-контакт платформасында эшкуарлар Интернетта үз эшен башлап җибәрү һәм үстерү өчен кирәкле барлык инструментларны да таба ала, — ди «ВКонтакте»ның генеральный директоры Владимир Кириенко.


«ОПОРА РОССИИ» командасы, үз чиратында, фокус-төркемнәр үткәрү һәм профильле бизнес-берләшмәләрдән фикер җыю нигезендә, онлайн сату механизмнары буенча комплекслы тармак экспертизасын тәкъдим итәчәк.

«ВКонтакте» советы ачык диалог мәйданчыгы һәм бөтен ил буенча эшкуарлардан тәкъдимнәр җыю һәм аларны эшләү өчен бердәм тәрәзә булачак. Экспертлар, шулай ук, үз тәҗрибәләре белән уртаклашачак һәм яңа шартларда кече һәм урта бизнес вәкилләре очраша торган бурычлар пулын формалаштырырга ярдәм итәчәк.

«ВКонтакте»да мәгълүмат җыю өчен бизнес-берләшмә эшли. Теләсә кайсы эшкуар аның кысаларында үз проектын һәм башлангычларын тәкъдим итә алачак, алар аның бизнесына яки тулаем секторны үстерүгә ярдәм итәчәк. Совет барлык гаризаларны оператив рәвештә эшкәртәчәк һәм ярдәмнең яңа чараларын үстерәчәк.

Фото: pixabay.com

Автор:Аида Ханнанова
Читайте нас в