"Промсвязьбанк" җәмгыятенә зур өметләр баглыйбыз

Радий Хәбиров бүген аның җитәкчесе белән аралашты. Бүген Башкортстан Башлыгы Радий Хәбиров белән "Промсвязьбанк" җәмгыяте рәисе Пётр Фрадков онлайн-киңәшмә уздырдылар. Очрашу кысаларында яклар Башкортстан Хөкүмәте белән банк арасында төбәкнең социаль-икътисади үсеше өлкәсендә хезмәттәшлек итү, шулай ук республиканың әһәмиятле проектларына ярдәм итү турында килештеләр. - Коронавирус пандемиясе барышында без икътисад һәм бизнесның тотрыклылыгын арттыру буенча моңарчы күрелмәгән чаралар күрдек, - диде Радий Хәбиров. - Кайбер эре банклар безнең белән төбәктә социаль-икътисади тотрыклылыкны тәэмин итү максатында үзара хезмәттәшлек турында меморандум төзеде. Промсвязьбанк белән эшләү безгә бик кызыклы, өстәвенә, республикада эшлекле активлык яңадан көчәя башлый. Ышанам, без уртак тырышлык кушымтасы нокталарын табарбыз. Пётр Фрадков билгеләп үткәнчә, Промсвязьбанк республикага зур ставка ясый. Ул финанс институты төбәкнең конкурент банк базарының мөһим өлеше булачак, дип ышаныч белдерде. - Башкортстан белән Промсвязьбанкны күптәнге партнерлык мөнәсәбәтләре бәйли. Республика Хөкүмәте белән ирешелгән килешүләр торак мәсьәләләрен күпсанлы кешеләргә хәл итәргә мөмкинлек бирәчәк, - дип билгеләде Пётр Фрадков. - Банк республикада 2006 елдан бирле эшли һәм икътисадның төрле тармакларындагы эре предприятиеләр өчен терәк булып тора. Бизнес һәм халык өчен финанслауның һәркем файдалана алырлык булуын күздә тотып, без алга таба өлкәләрне киңәйтү һәм хезмәттәшлек өчен мөмкинлекләр булдыру белән кызыксынабыз. Радий Хәбиров һәм Пётр Фрадков Башкортстан Республикасының инвестицион программасына ярдәм итү мөмкинлекләре, шулай ук республика халкы өчен ташламалы ипотека кредитлавы турында фикер алышты. Аерым алганда, монда бюджет өлкәсе хезмәткәрләре, дәүләт һәм муниципаль хезмәткәрләр өчен "Гаилә ипотекасы" программасы буенча еллык ставканың 3,99 процентка кадәр кимүе каралган. - Бу бик кызыклы тәкъдим, - дип ассызыклады Радий Хәбиров. - Әйдәгез хәзер үк башлыйк, мин тиешле йөкләмә ясармын. Төзелеш базарын алга этүчеләр нәкъ менә бюджетчылар булырга тиеш. Фото: glavarb.ru