Бүген, 22 июньдә Русиядә Хәтер һәм кайгы көне билгеләп үтелә

Ил тарихына иң кайгылы сәхифәләрнең берсе булып кереп калган, кара хәрефләр белән язылган көн ул. Нәкъ 80 ел элек, 1941 елның 22 июнь таңында, фашист Германиясе сугыш игълан итмичә Советлар Союзына һөҗүм итә. 1418 көн һәм төн дәвам иткән сугышта илебез 27 миллионлап кешесен югалткан.Гадәттәгечә, быел да шәһәребездә 22 июньдә «Солдат уйлары» һәйкәле биләмәсендә хәтер чарасы оештырылды. Хакимият вәкилләре, оешма-предприятиеләр җитәкчеләре, депутатлар, волонтерлар һәм башка октябрьскийлылар монументның мәрмәр плитәсенә чәчәкләр салды.