5нче сыйныф укучысы Данис һәм 6нчы класста белем алучы Кирилл Хәсәншиннар кадет юнәлеше буенча 3 ел укый. Абыйлы-энеле сүзләренчә, кадетлар тормышы катгый тәртипкә, бер-береңә һәм башкаларга ярдәмчел булуга өйрәтә, физик һәм рухи яктан чыныктыра. Алар гадәттән тыш хәлләр министрлыгы белгечлеген сайлаучыларга батырлык-тәвәккәллек, игелеклелек кебек сыйфатлар хас дип фикерли. Ә инде аеруча кыюлык һәм җаваплылык таләп итүче һөнәрләр рәтенә спецназ, янгын сүндерүче, коткаручы, очучы, полиция хезмәтен кертәләр.