Полициядә — кунакта

Мәктәп укучылары өчен экскурсияне ветераннар советы рәисе һәм бүлек каршындагы иҗтимагый совет әгъзасы отставкадагы милиция подполковнигы Радик Еникеев үткәрде.
Чара Эч­ке эш­ләр органнары хезмәткәрләренең хезмәт вазыйфаларын башкарганда һәлак булганнарны искә алу көне уңаеннан үткәрелде.

Балалар дежур частьтә булдылар. Алар әлеге бүлекчәнең тәүлек буе хезмәт итүен, аның төп функциясе — гражданнарның җинаятьләр, административ хокук бозулар һәм һәлакәтләр турындагы гаризаларын һәм мөрәҗәгатьләрен кабул итүдән хәбәрдар булдылар.

Музейга узган яшь буын стеналардагы фотосурәтләрне карады. Ветеран аларга эчке эшләр органнары эшчәнлегенең мөһим этаплары турында хәбәр итте.
Отставкадагы милиция подполковнигы малайларны һәм кызларны Октябрьскийда милиция барлыкка килү тарихы белән таныштырды.

Радик Идиятулла улы сүзләренә караганда, хокук саклау органы музее күп гасырлык тарихны саклый. Алар — төрле формалар, криминалистик техника, СССР чорындагы басма җайланмалар, хезмәткәрләрнең спорттагы казанышлары, хезмәт командировкалары турында мәгълүмат белән стендлар һәм башкалар.

Балаларның дикъкатен хезмәт бурычын үтәгәндә һәлак булган милиция капитаны Азат Нәбиуллинга багышланган Истәлек стенды үзенә җәлеп итте. Җәмәгать эшлеклесе укучыларга герой‑офицерның батырлыгы турында бәян итте, дип хәбәр итте шәһәр эчке эшләр бүлегеннән Аделина Кашапова.