Контракт шартлары тулаем үтәлгән

2022 елның апрелендә Башкортстан Республикасының Капиталь төзелеш идарәсе белән «Билд» җәмгыяте арасында Октябрьскийның 33нче микрорайонында җылылык һәм кайнар су белән тәэмин итү ихтыяҗлары өчен энергоүзәк төзү максатында 279 млн сумлык дәүләт контракты төзелүе ачыкланды.

2024 елның апрелендә заказ бирүче тарафыннан эш тулы күләмдә кабул ителгән һәм түләнгән. Әмма күзәтчелек чаралары барышында 400 мең сумнан артык күләмдә башкарылмаган эшләрне кабул итү һәм түләү фактлары билгеле булды.

Шуңа бәйле рәвештә шәһәр прокуратурасы инициативасы буенча БР Капиталь төзелеш идарәсенең вазыйфаи заты РФ Административ хокук бозулар кодексы 7.32 маддәсенең 10 өлеше буенча 20 мең сум күләмендә административ җаваплылыкка тартылды.

Заказчы һәм подрядчы адресына тәкъдимнәр кертелде, аларны карау нәтиҗәләре буенча контракт­ны үтәүче тарафыннан башкарылмаган эшләр үтәлде, ачыкланган кимчелекләр бетерелде, гаепле затлар дисциплинар җаваплылыкка тартылды.

Альберт ГЫЙЗЗӘТУЛЛИН, шәһәр прокуроры вазыйфаларын башкаручы