Республиканың эчке эшләр территориаль органнары арасында узган ярыш милиция капитаны Азат Нәбиуллин истәлегенә багышланды.
Чарада Башкортстан Республикасы буенча эчке эшләр министры урынбасары полиция генерал‑майоры Айдар Зөбәеров, шәһәр хакимияте башлыгы Алексей Пальчинский, БР буенча Эчке эшләр министрлыгының шәхси состав белән эшләү идарәсе начальнигы урынбасары полиция полковнигы Аскат Гарифуллин, Октябрьский эчке эшләр бүлеге начальнигы вазыйфаларын вакытлыча башкаручы полиция подполковнигы Вадим Хөснуллин, шәһәр буенча эчке эшләр бүлеге ветераннары советы рәисе отставкадагы милиция подполковнигы Радик Еникеев, сугыш хәрәкәтләре һәм хәрби хезмәт ветераннарының шәһәр комитеты рәисе полковник Мәсгүт Галләмов, Азат Нәбиуллинның әнисе Римма Габделмалик кызы һәм башка кунаклар катнашты.
Шәхси зачетта безнең шәһәрдәшебез полиция подполковнигы Валерия Шәрәфетдинова пистолеттан атып, ике тапкыр икенче урынны алды. Команда зачетында да Октябрьский полицейскийлары мактаулы икенче урынга чыкты. Беренче урында — Баймак командасы, өченче урында — Белорет эчке эшләр бүлеге хезмәткәрләре.
Командалар Башкортстан Республикасы буенча Эчке эшләр министрлыгының кубогы һәм дипломы белән бүләкләнде.
Дмитрий ГОЛИУС фотосы