Конституция үзгәрә һәм барлык үзгәрешләр дә яхшы якка

Дәүләт җыелышы-Корылтай Рәисе урынбасары, “Бердәм Русия” партиясенең Башкортстан төбәк бүлеге җитәкчесе Рөстәм Әхмәдинуров Русия Конституциясенә төзәтмәләр кабул итү мәсьәләсе буенча тавыш бирде. Ул бюллетеньне Уфада яшәү урыны буенча сайлау участогына килгәч төшерде.- Конституция үзгәрә һәм барлык үзгәрешләр дә яхшы якка, - дип билгеләде ул. - Мәсәлән, балалар - безнең дәүләт үсешенең өстенлеге. Инде хәзер үк акча бүлеп бирелә, әмма хәзер бу озак елларга өстенлекле юнәлеш булачак. Иң мөһиме, минималь хезмәт хакы беркайчан да яшәү минимумыннан түбән булмаячак.Рөстәм Әхмәдинуров барлык эпидемиологик чараларны үтәүгә игътибарны юнәлтте һәм шулай ук Уфага “Хезмәт батырлыгы шәһәре” исемен бирү өчен үз тавышларын калдырырга чакырды. Мондый исем Русия Федерациясе шәһәренә бирелергә мөмкин, анда яшәүчеләр, Бөек Ватан сугышы вакытында шәһәр сәнәгать предприятиеләрендә хәрби һәм гражданлык продукциясен өзлексез җитештерүне тәэмин итеп, хезмәт батырлыгы һәм фидакарьлеге күрсәтте.- Бу тылда эшләүчеләргә, фронтовикларга күбрәк игътибар итәргә мөмкинлек бирәчәк. Күрәм, тавыш бирүчеләр исемлеге тулылана. Мин ышанам, без бу исемне отачакбыз һәм ил Президенты Уфага, безнең Җиңүгә саллы өлеш керткән шәһәр буларак, ярдәм итәчәк, - дип өстәде ул.Фото: bashinform.ru