Уңайлы шартлар – төп максат

«Ватанны саклаучылар» фонды бөтен республика буенча геройларның шәхси ихтыяҗларын исәпкә алып, СВОда катнашкан якташларыбызның торакларын яңадан җиһазлау белән шөгыльләнә, аларга иртәгәсе көнгә ышаныч уятырга ярдәм итә.
Филиалның социаль координаторлары муниципаль комиссия белән берлектә Октябрьский һәм Туймазы шәһәрләрендә кораллы низагтан гарипләнеп кайткан ветераннарның торакларын тикшерделәр. Якын арада алар, яшәү өчен уңайлы шартлар тудыру максатында, акча алачаклар. Моннан тыш, адаптацияләү комиссиясе белән берлектә чыккан белгечләр ветераннарга медицина учреждениеләрендә тернәкләнү, диспансерлаштыру һәм реабилитацияләүнең техник чараларын алу мәсьәләләре буенча консультация дә бирәләр.

Фото: «Ватанны саклаучылар» фондының социаль челтәрләреннән